చిరుది ఇదేం వరుస: యనమల

గుంటూరు: అభిమానులతో ప్రభంజనం సృష్టిస్తామని చెప్పిన సినీ నటుడు చిరంజీవి ఇప్పుడు వలస పక్షులను ఎందుకు ప్రోత్సహిస్తున్నారని తెలుగుదేశం పార్టీ సీనియర్ నాయకుడు యనమల రామకృష్ణుడు ప్రశ్నించారు. దేవేందర్ గౌడ్ రాజకీయాల్లో తన కన్నా పదేళ్లు జూనియర్ అని, అయినా పార్టీలో రెండో స్థానానికి వెళ్లారని, పార్టీలో దేవేందర్ గౌడ్ కు ఎంతో గౌరవం ఇచ్చామని ఆయన శుక్రవారం మీడియా ప్రతినిధులతో అన్నారు.

ఓట్లు అక్కరలేదని పార్టీ నుంచి బయటకు వెళ్లిన దేవేందర్ గౌడ్ పార్టీ ఎందుకు పెట్టారని ఆయన అడిగారు. 2009 ఎన్నికల్లో తమ పార్టీ అధికారంలోకి రావడం ఖాయమని, కాంగ్రెస్ రెండంకెల సీట్లకే పరిమితమవుతుందని ఆయన అన్నారు. ఎన్నికల్లో ప్రాంతీయ పార్టీలతో పొత్తు తప్పదని ఆయన అన్నారు.