దేశ ప్రయోజనాలపై రాజీ లేదు: ప్రణబ్

న్యూఢిల్లీ: దేశ ప్రయోజనాల విషయంలో రాజీ పడే ప్రసక్తే లేదని విదేశాంగ మంత్రి ప్రణబ్ ముఖర్జీ అన్నారు. ప్రధాని మన్మోహన్ సింగ్ ప్రతిపాదించిన విశ్వాస తీర్మానంపై చర్చను సోమవారం ఆయన కొనసాగించారు. అణు ఒప్పందంపై చర్చించి మద్దతు కూడగట్టేందుకు కమిటీ వేశామని, ఈ కమిటీ విధివిధానాల రూపకల్పనలో వామపక్షాలు పాల్గొన్నాయని ఆయన అన్నారు. తమ ప్రభుత్వం మైనారిటీలో పడలేదని, తమకు 276 మంది సభ్యుల మద్దతు ఉందని ఆయన చెప్పారు.

అణు ఒప్పందంపై విచ్ఛిన్నతకు పాల్పడకుండా వాస్తవాలపై ఆధారపడాలని ఆయన ప్రతిపక్షాలకు సూచించారు. అద్వానీ వాస్తవాలను వక్రీకరిస్తున్నారని ఆయన విమర్శించారు. తాను అద్వానీ స్థాయి అంతటి నాయకుడిని కానని, తాను చిన్న నాయకుడినని ఆయన అన్నారు. కర్ణాటక వంటి రాష్ట్రాల్లో బిజెపి ప్రభుత్వాలను అస్థిరం పాలు చేస్తోందని ఆయన అన్నారు. తాము అస్థిరం పాలు కావడం లేదని, అందుకు వామపక్షాలే కారణమని, వామపక్షాలు తప్పుకోగానే ఎస్పీ చేరిందని ఆయన అన్నారు.