మధ్యప్రాచ్యంలో శాంతిపై భారత్ ఆందోళన

టెహ్రాన్: మధ్యప్రాచ్య ప్రాంతంలో ఉద్రిక్త పరిస్థితులపై బుధవారం భారత్ ఆందోళన వ్యక్తం చేసింది. ఈ ప్రాంతంలో శాంతి స్థాపనకు పిలుపునిచ్చింది. పాలస్తీనా వివాదాన్ని రాజకీయ ప్రయత్నాల ద్వారా పరిష్కరించుకోవచ్చని భారత్ అభిప్రాయపడింది. ఈ సమస్యను బలప్రయోగం ద్వారా పరిష్కరించలేమని తెలిపింది.

మధ్యప్రాచ్య ప్రాంతంలో హింసాకాండకు ముగింపు పలికేందుకు కృషి చేయాలని భారత విదేశాంగ మంత్రి ప్రణబ్ ముఖర్జీ విజ్ఞప్తి చేశారు. పాలస్తీనా వివాదంపై అలీన దేశాల కూటమి ఏర్పాటు చేసిన కమిటీ సమావేశంలో ప్రణబ్ ముఖర్జీ మాట్లాడుతూ పైవాఖ్యలు చేశారు. మధ్యప్రాచ్య ప్రాంత శాంతి ప్రక్రియకు భారత్ మద్దతు కొనసాగుతుందని ఈ సందర్భంగా ప్రణబ్ తెలిపారు.