తిరుమల: నేడు 9 గంటల సేపు ఆలయం మూసివేత

తిరుమల: సూర్యగ్రహణం సందర్భంగా శుక్రవారం తిరుమల శ్రీ వెంకటేశ్వరస్వామి ఆలయాన్ని 9 గంటల పాటు మూసివేయనున్నారు. శుక్రవారం సాయంత్రం నాలుగున్నర నుంచి ఆరు గంటల నాలుగు నిముషాల వరకు సూర్య గ్రహణం ఏర్పడనుంది.

గ్రహణం కారణంగా స్వామి వారి సేవల, దర్శన కార్యక్రమాల్లో స్వల్ప మార్పులు చేశారు. అభిషేకం మినహా ప్రభాత సేవలైన తోమాల, అర్చన, నిజపాద దర్శనాలను రద్దు చేశారు. శుక్రవారం ఉదయం 10 నుంచి సాయంత్రం 6.30 వరకు ఆలయం తలుపులను మూసి వేస్తారు. ఈ కారణంగా అన్ని ఆర్జిత సేవలు రద్దు అయ్యాయి. రాత్రి ఎనిమిదిన్నర తర్వాత స్వామి వారి సర్వ దర్శనం ప్రారంభమౌతుంది.