రాష్ట్రంలో హంగ్ వస్తుంది: వెంకయ్య

విజయవాడ: రాష్ట్రంలో వచ్చే ఎన్నికల్లో ఏ పార్టీకి కూడా స్పష్టమైన మెజారిటీ రాదని, హంగ్ అసెంబ్లీ ఏర్పడుతుందని భారతీయ జనతా పార్టీ (బిజెపి) సీనియర్ నాయకుడు ఎం. వెంకయ్యనాయుడు అన్నారు. రాష్ట్రంలో మొదటి సారి హంగ్ అసెంబ్లీ ఏర్పడబోతోందని ఆయన సోమవారం మీడియా ప్రతినిధుల సమావేశంలో అన్నారు.

తన 30 ఏళ్ల రాజకీయానుభవంతో ఈ విషయం చెబుతున్నానని, మొదటి సారి రాష్ట్రంలో రాజకీయ అనిశ్చితి ఏర్పడబోతోందని ఆయన అన్నారు. వచ్చే ఎన్నికల్లో ఏ పార్టీతో పొత్తు పెట్టుకోవాలనే విషయంపై తాము ఇంకా నిర్ణయం తీసుకోలేదని ఆయన చెప్పారు. ప్రభుత్వం సమస్యల నుంచి పారిపోతున్నదని ఆయన విమర్శించారు.