గ్రామ స్వరాజ్యం సాధిస్తాం: చిరు

హైదరాబాద్: గ్రామస్వరాజ్యం సాధించినప్పుడే దేశానికి నిజమైన స్వరాజ్యమని గాంధీజీ అన్నారని, ఆ గ్రామ స్వరాజ్యం సాధించడమే తమ లక్ష్యమని ప్రజారాజ్యం పార్టీ అధినేత చిరంజీవి అన్నారు. పార్టీ సభ్యత్వ నమోదు కార్యక్రమాన్ని ఆయన గురువారం ఉదయం ప్రారంభించారు. తొలి సభ్యత్వాన్ని వికలాంగుడైన బాలకృష్ణకు ఇచ్చి ఆ తర్వాత తాను సభ్యత్వం తీసుకున్నారు. ఆ తర్వాత హరిరామజోగయ్య, శోభానాగిరెడ్డిలు సభ్యత్వం తీసుకున్నారు. ఈ సందర్భంగా చిరంజీవి పార్టీ కార్యాలయంలో పార్టీ పతాకాన్ని ఆవిష్కరించారు.

గాంధీజీ మాటలే స్ఫూర్తిగా తాను రాజకీయాల్లోకి వచ్చానని, నిస్సహాయులైన వారికి చేయూత ఇవ్వడం ద్వారా వారి ముఖాల్లోని ఆనందాన్ని చూడడం గొప్ప ఆనందమని, ఈ విషయంలో గాంధీ చెప్పిన మాటలే తనకు స్ఫూర్తి అని ఆయన అన్నారు. తాను సంతోషాంధ్రప్రదేశ్ ఏర్పాటుకు కృషి చేయడానికే రాజకీయాల్లోకి వచ్చినట్లు ఆయన తెలిపారు. మెగా మెయిల్ డాట్ కామ్ ను ఆయన ప్రారంభించింది.