AP EAPCET-2026 ఫలితాల డేట్ వచ్చేసింది, అఫీషియల్..!!

AP EAPCET-2026 ఫలితాల పైన ఎట్టకేలకు స్పష్టత వచ్చింది. ఫలితాల కోసం లక్షలాది మంది విద్యార్ధులు ఆసక్తిగా వేచి చూస్తున్నారు. ఈ ఫలితాలు తొలుత ఈ నెల తొలి వారంలోనే విడుదల చేస్తారని భావించారు. అయితే, విడుదల ఆలస్యం అవుతోంది. ఇందుకు అధికారులు స్పష్టమైన కారణాలను వెల్లడించారు. దీంతో, ఇప్పుడు ఫలితాల విడుదల కు దాదాపు ముహూర్తం ఖరారైంది. సీబీఎస్ఈ అభ్యర్ధుల మార్కుల నమోదు పూర్తయిన తరువాత ఈ ఫలితాల విడుదల కు తుది కసరత్తు కొనసాగుతోంది.

ఆంధ్రప్రదేశ్ ఇంటర్ విద్యార్థులకు బిగ్ అలర్ట్.. ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశం కల్పించే ఏపీ ఈఏపీసెట్ (AP EAPCET) ఫలితాలపై కీలక సమాచారం అందుతోంది. ఇప్పటికే విద్యార్థులు, వారి తల్లిదండ్రులు ఈ ఫలితాల కోసం ఆత్రుతగా ఎదురుచూస్తున్నారు. ఈ క్రమంలో రిజల్ట్స్ వాయిదా పడటంతో మరికొంత కాలం ఎదురుచూడాల్సి వచ్చింది. తాజాగా ఈ నెల 30న ఫలితాల విడుదలకు ముహూర్తంగా ఫిక్స్ చేసారు. ఆంధ్రప్రదేశ్ ఉన్నత విద్యామండలి ఎంతో ప్రతిష్టాత్మకంగా నిర్వహించిన ఏపీ ఈఏపీసెట్ 2026 ఫలితాలు జూన్ 1న విడుదల చేస్తామని గతంలో ప్రకటించారు. కానీ తాజా సమాచారం ప్రకారం జూన్ మూడో వారంలో ఈ ఫలితాలు వెలువడనున్నాయి. ఇంటర్మీడియట్ ఇంప్రూవ్‌మెంట్, సప్లిమెంటరీ పరీక్షల నిర్వహణ. ఆంధ్రప్రదేశ్ ప్రవేశ పరీక్షల నిబంధనల ప్రకారం, ఈఏపీసెట్ ర్యాంకును కేటాయించేటప్పుడు కేవలం ప్రవేశ పరీక్ష మార్కులను మాత్రమే కాకుండా, ఇంటర్మీడియట్‌లో వచ్చిన మార్కులకు 25 శాతం వెయిటేజీ కేటాయిస్తున్నారు.

ఈ నెల 30న ఫలితాల వెల్లడికి ఛాన్స

ర్యాంకులు కేటాయించాలంటే ఇంటర్మీడియట్‌ మార్కులూ తప్పనిసరి. పైగా ఈ ఏడాది రాష్ట్ర ప్రభుత్వం సెకండ్‌ ఇంటర్‌ విద్యార్థులకూ ఇంప్రూవ్‌మెంట్‌ రాసేందుకు అవకాశం కల్పించింది. లక్షకుపైగా విద్యార్థులు తమ మార్కుల మెరుగుదలకు అడ్వాన్స్‌డ్‌ సప్లిమెంటరీ పరీక్షలు రాశారు. ఈఏపీసెట్‌ ర్యాంకుల్లో వీరికి ఎట్టిపరిస్థితుల్లో అన్యాయం జరగకూడదన్న ఉద్దేశంతో ప్రభుత్వం ఈ ఫలితాలను వాయిదా వేసింది. జూన్‌ 18న ఇంటర్‌ అడ్వాన్స్‌డ్‌ సప్లిమెంటరీ ఫలితాలు విడుదల కావడంతో ఈఏపీసెట్‌ ఫలితాల విడుదలకు లైన్‌ క్లియర్‌ అయింది. అయితే, ఈ ఏడాది సీబీఎస్‌ఈ 12వ తరగతి ఫలితాల్లో సాంకేతికంగా కొన్ని ఇబ్బందులు తలెత్తడంతో ఈఏపీసెట్‌ ఫలితాల విడుదలపై మరోసారి సందిగ్ధత నెలకొంది. సీబీఎస్ఈ 12వ తరగతి రీవెరిఫికేషన్, రీవాల్యుయే షన్ లో మార్కులు పెరిగిన వ్యార్ధులు డిక్లరేషన్ ఫారమ్ ఈ నెల 27వ తేదీ సాయంత్రం 5 గంటల లోపు ఆన్ లైన్ లో సమర్పించాలని ఈఏపీసెట్ కన్వీనర్ సూచించారు. ఈ మార్కుల నమోదు పూర్తయిన తరువాత ఫలితాలు ఇచ్చేందుకు రెండు రోజుల సమయం పడే అవకాశం ఉండటం తో.. ఈ నెల 30న ఫలితాలు విడుదల అయ్యే అవకాశం కనిపిస్తోంది.

English summary

AP Govt planning to declares AP EAPCET 2026 Results on 30th of this month as latest reports