రైతుల కోసం జైలుకైనా: చంద్రబాబు

ఒంగోలు: రైతులకోసం జైలుకైనా వెళతానని తెలుగుదేశం పార్టీ అధ్యక్షుడు చంద్రబాబు నాయుడు అన్నారు. రైతుల ప్రభుత్వమని చెప్పుకుంటూ వారికి ఎరువులు సైతం ఇవ్వలేకపోతున్న ముఖ్యమంత్రి వై.ఎస్‌ వారికి క్షమాపణలు చెప్పి తక్షణం పదవినుంచి దిగిపోవాలని ఆయన డిమాండ్‌ చేశారు. ఎరువులు ఇవ్వకపోతే గోదాములపై దాడి చేస్తామని అన్నారు.

ఎరువుల కొరతపై ప్రకాశం జిల్లాలో టీడీపీ ఆధ్వర్యంలో జరిగిన మహాధర్నాలో ఆయన పాల్గొని ప్రసంగించారు. అంతకుముందు సంతమాగలూరునుంచి ఒంగోలు వరకు 75 కిలోమీటర్ల మేర ర్యాలీ జరిగింది. ఇందులో పెద్ద సంఖ్యలో రైతులు, టీడీపీ కార్యకర్తలు పాల్గొన్నారు.