పంచో..జీన్సో..తేలుద్దాం:పవన్ పై జేసీ

గుంటూరు: యువరాజ్యం అధినేత పవన్‌కళ్యాణ్‌ నోరుంది కదా అని మాట్లాడితే ఎలా?.. పంచెలూడతాయో.. 'కౌబాయ్‌' జీన్స్‌లూడతాయో వేచిచూడాలని రాష్ట్ర పంచాయతీరాజ్‌ శాఖ మంత్రి జె.సి.దివాకరరెడ్డి అన్నారు. అలాగే ప్రజారాజ్యం పార్టీ గురించి వ్యాఖ్యానిస్తూ వాళ్ళు పొయ్యి మీద కుండ పెట్టారు.. మసాలాలు వేస్తున్నారు.. తినడానికి టైం దగ్గర్లో ఉంది.. తినబోతు రుచెందుకన్నారు. తాను, తన తమ్ముడు కాంగ్రెస్‌లోనే పుట్టామని, ఇక్కడే మరణిస్తామన్నారు.

ఇక పంచాయతీరాజ్‌ శాఖలో అవినీతి ఉంది.. జరుగుతున్న అవినీతిపై ఎన్నో కేసులు నా దగ్గరకు వస్తున్నాయి.. అన్ని శాఖల్లోనూ అవినీతి ఉందని రాష్ట్ర పంచాయతీరాజ్‌ శాఖ మంత్రి జె.సి.దివాకరరెడ్డి అన్నారు. శుక్రవారం గుంటూరులోని ఆర్‌ అండ్‌ బి అతి థిగృహంలో ఆయన మీడియాతో మాట్లాడుతూ అవినీతిని నిరోధించేందుకు పదిహేను రోజులకొకసారి సమీక్షిస్తున్నట్లు, ఫైళ్ళను కూలంకషంగా పరిశీలిస్తున్నట్టు తెలిపారు.