బాబు నెల్లూరు పర్యటన

నెల్లూరు:తెలుగుదేశం పార్టీ అధినేత నారాచంద్రబాబునాయుడు గురువారం నెల్లూరు జిల్లాలో ఒక్క రోజు పర్యటన ప్రారంభమయ్యింది.ముందుగా ఆయన జిల్లాలోని వన్నెంపాడు గ్రామానికి చేరుకున్నారు. అక్కడ పార్టీ కార్యకర్తలును కలసి ఇటీవల మృతి చెందిన టీడీపీ నేత బొమ్మన సుందరయ్య కుటుంబాన్ని పరామర్శించారు. అలాగే ఈ పర్యటనకు వామపక్ష నేతలు బి.వి. రాఘవులు, నారాయణలు కూడా హాజరవుతారు. అందు నిమిత్తం జిల్లాలో ఆయా పార్టాల నాయకులు పూర్తి ఏర్పాట్లు చేశారు.

చంద్రబాబు నాయుడు రాజకీయ సమ్మేళనం అనంతరం టీపీగూడూరు మండలంలో కోడూరు బీచ్‌లో మధ్యాహ్నం 3 గంటలకు జరిగే మత్స్యకారుల సదస్సులో పాల్గొంటారు. సాయంత్రం 5 గంటలకు మినీబైపాస్‌లోని జీపీఆర్‌ కళ్యాణ మండపంలో న్యాయవాదుల సదస్సు, అనంతరం ఉపాధ్యాయుల సదస్సులో పాల్గొంటారు. ఇక్కడ నుంచి ఆయన తిరుమలకు వెళతారు.

అలాగే జిల్లాలో సీట్ల సర్దుబాటుపై ఈ రాజకీయ సమ్మేళనంలో ఒక అవగాహనకు వచ్చే అవకాశమున్నట్లు తెలుస్తోంది. సమ్మేళనం అనంతరం బీవీ రాఘవులు చెన్నైకి వెళతారు. సీపీఐ కార్యదర్శి నారాయణ నేరుగా తిరుపతికి వెళతారు.