కొంపల్లి గెస్ట్ హౌస్ లో సత్యం రాజు?

హైదరాబాద్: సత్యం కంప్యూటర్స్ ప్రమోటర్ రామలింగరాజు అజ్ఞాతం గుట్టువీడింది. ఆయన కొంపల్లిలోని అతిథి గృహంలో విశ్రాంతి తీసుకుంటున్నట్లు ప్రాథమిక సమాచారం. అయితే 'సత్యం' కుప్పకూలిన వార్తలతో ఆయన ఆరోగ్య పరిస్థితి పూర్తిగా విషమించినట్లు తెలుస్తున్నది. ప్రస్తుతం ఆయన మానసిక పరిస్థితి కూడా బాగాలేదని అభిజ్ఞ వర్గాలు వెల్లడిస్తున్నాయి.

సత్యం కంపెనీలో జరిగిన అక్రమాలను అనివార్య పరిస్థితుల్లో బహిర్గతం చేసి, క్షమాపణ చెప్పి అజ్ఞాతంలోకి వెళ్ళిపోయిన రామలింగరాజుపై విమర్శలు వెల్లువెత్తడం తెలిసిందే. ఉన్నత లక్ష్యాలతో నెలకొల్పిన సంస్థ ఈ స్థితికి రావడాన్ని జీర్ణించుకోలేని రామలింగరాజు తీవ్ర మనో వేదనతో బాధపడుతున్నట్లుగా సన్నిహిత వర్గాల కథనాన్ని బట్టి తెలుస్తోంది.