పోటీ చెయ్యను..పవన్‌ కల్యాణ్‌

హైదరాబాద్‌: వచ్చే ఎన్నికల్లో తాను పోటీచేయనని, కార్యకర్తగానే ఉంటానని యువరాజ్యం అధినేత పవన్ కళ్యాణ్ స్పష్టం చేసారు. ఈరోజు ఆయన రాష్ట్ర ఎన్నికల ప్రధానాధికారిని కలిశారు. రాష్ట్రవ్యాప్తంగా ఓటరు నమోదు దరఖాస్తుల డ్రాప్‌ బాక్సులను ఏర్పాటుచేయాలని పవన్ ఆయన్ని కోరారు. అనంతరం మీడియాతో మాట్లాడారు.

రాష్ట్రంలో అన్ని పార్టీలకంటే తమకే తెలంగాణా పై స్పష్టత ఉందని ఆయన తేల్చిచెప్పారు. తెలంగాణా గురించి ఈరోజు రాష్ట్రంలో ప్రతి రాజకీయపార్టీ మాట్లాడుతోందని ఆయన అన్నారు. అంతేగాక ఈ విషయంపై తమ వైఖరిని గతంలోకూడా వెల్లడించామని, ఇప్పటికీ దీనిపై తమ విధానం స్పష్టంగా ఉందని ఆయన అన్నారు.అలాగే విద్యార్థుల ఓటరు నమోదుకు కాలేజీల యాజమాన్యాలు ప్రత్యేక చర్యలు తీసుకోవాలని ఆయన కోరారు.