సత్యం కోసం సెబి రాజీ ఫార్ములా

ముంబాయి: సత్యం సంస్థ టేకోవర్‌ నిబంధనలు సడలిస్తూ శనివారం సెబీ నిర్ణయం తీసుకున్నది. సత్యం సంక్షోభ పరిస్థితిని దృష్టిలో ఉంచుకుని ఆ కంపెనీకి మాత్రమే ప్రత్యేకంగా టేకోవర్‌ నిబంధనలు సడలించినట్లు సెబీ వర్గాలు వెల్లడించాయి. దీనితో ఎల్‌ అండ్‌ టి కంపెనీకి సత్యం కంపెనీనీ టేకోవర్‌ చేసే అవకాశాలు మెరుగుపడ్డాయి.

సత్యం కంపెనీ రూ.8,000 కోట్ల లేని లెక్కలను ఉన్నట్లు చూపించిందని ఆ సంస్థ ఛైర్మన్‌ రామలింగరాజు బాహ్య ప్రపంచానికి వెల్లడించడంతో కంపెనీ సంక్షోభంలో చిక్కుకోవడం తెలిసిందే. దీనితో బహిరంగ మార్కెట్లోని షేర్లను భారీగా కొన్న ఎల్‌ అండ్‌ టి తో పాటు స్పైస్‌, మహీంద్రా తదితర కంపెనీలు కూడా సత్యం టేకోవర్‌పై ఆసక్తి కనబరుస్తున్నాయి.