పాక్ సరిహద్దులో లాడెన్

కాలిఫోర్నియా: ప్రపంచంలోని మోస్ట్ వాంటెడ్ ఉగ్రవాది ఒసామా బిన్ లాడెన్ పాకిస్తాన్ సరిహద్దులోని ఒక పట్టణంలో తలదాచుకుంటున్నట్లు శాటిలైట్ ఎయిడెడ్ ఇమేజెస్ బయటపెడుతున్నాయి. జియోగ్రాఫర్ థామస్ జిలెస్పీ నేతృత్వంలోని అమెరికాకు చెందిన పరిశోధనా బృందం రాత్రి వేళల్లోని శాటిలైట్ చిత్రాలను పరిశీలించి, ఇతర పద్ధతులను అవలంబించిం పాకిస్తాన్ సరిహద్దులో ఉన్న పరచినార్ పట్టణంలోని ఒక ఇంటిలో తలదాచుకుంటున్నట్లు వెల్లడించింది. ఈ పట్టణం పాకిస్తాన్ సరిహద్దుకు 12 మైళ్ల దూరంలో ఉంటుంది. లాడెన్ మూడు నిర్మాణాలను వాడుతున్నట్లు ఆ బృందం వెల్లడించింది.

లాడెన్ గుహలో దాక్కుని ఉంటాడనే వాదనను తాను ఎన్నడూ అంగీకరించలేదని జిలెస్పీ అంటున్నారు. లాడెన్ ఆచూకీని తెలుసుకోవడానికి పరిశోధనా బృందం నేరగాళ్లను, అంతరించిపోయే దశలో ఉన్న పశుపక్ష్యాదులను కనిపెట్టడానికి వాడే పద్ధతులు వాడింది. లాడెన్ కు వైద్య సహాయం అవసరం ఉండవచ్చునని కూడా ఆ బృందం వెల్లడించింది.