మన్మోహన్‌ ప్రధానిగా కష్టం: అద్వాని

డెహ్రాడూన్‌: ప్రధాని మన్మోహన్‌ సింగ్‌ని కాంగ్రెస్‌ పార్టీ చాలా గొప్పగా, దేశాన్ని రక్షించే దృఢమైన ప్రధాన మంత్రిగా అభివర్ణిస్తుంది. కానీ నిజానికి ఆయన చాలా మెతక, బలహీనుడు అని భారతీయ జనతా పార్టీ నాయకుడు అద్వానీ అన్నారు. పాకిస్థాన్‌లో మారణాయుధాలు తయారవుతున్నా అక్కడి ఉగ్రవాదులు మనపై దాడులు చేస్తున్నా మన్మోహన్‌ ఎదుర్కోలేక పోయారని అద్వానీ విమర్శించారు.

ప్రధాని మన్మోహన్‌ సమర్థమైన వ్యక్తి అంటారు, తక్కువగా మాట్లాడుతూ ఎక్కువగా పని చేసే పద్ధతిలో ఉంటారు. కానీ ఒక వైపు ముంబాయి దాడుల వెనుక పాకిస్థాన్‌ ఉన్నప్పటికీ దానిని సమర్థవంతంగా ఎదుర్కోలేక పోయారు. తీవ్రవాదుల దాడులు మన దేశాన్ని అతలా కుతలం చేస్తున్నప్పటికీ పాకిస్తాన్‌ పట్ల మన్మోహన్‌ సింగ్‌ మెతగ్గా వ్యవహరిస్తున్నారు అని అద్వానీ అన్నారు.