జర్నలిస్టుకు చిరంజీవి క్లాస్

రాజమండ్రి: రాజమండ్రిలో నేడు జరిగిన విలేకరుల సమావేశంలో కూడా చిరంజీవి తన రాజకీయ పరిపక్వతను ప్రదర్శించుకున్నారు. నిన్న చంద్రబాబు, వైఎస్ లను తోడు దొంగలుగా అభివర్ణించి ఇద్దరినీ చెలిగి పారేసిన ఆయన నేడు ఒక విలేకరిని కూడా కడిగి పారేశారు. ప్రజారాజ్యం టికెట్లను కోట్లాది రూపాయలకు అమ్ముకుంటున్నారని ఒక విలేకరి ఆవేశంగా ప్రస్తావించగా చిరంజీవి కోపాన్ని దిగమింగుకుంటూ ఇలా స్పందించారు" మీరు పాత్రికేయ మిత్రులేనా? అయితే ఇలాగా అడిగేది? మీకు ఆవేశమెందుకోస్తోంది?" అని ఆయన ఎదురుదాడి చేయడం, సదరు విలేకరి మళ్ళీ నోరెత్తకపోవడం జరిగాయి.

ప్రజారాజ్యం పార్టీకి ఉమ్మడి గుర్తు వస్తుందా అని మరో విలేకరి ప్రశ్నించగా, అందుకోసం తాము న్యాయ పోరాటం చేస్తున్నామని, త్వరలో న్యాయస్ధానం నిర్ణయం వెలువడనుందని చిరంజీవి అన్నారు. ఒకవేళ ఉమ్మడి గుర్తు రాకపోతే అనేక ఆప్షన్లు ఉన్నాయని ఆయన చెప్పారు.