దర్శకుడు రాజ్ ఆదిత్య ఆత్మహత్య

హైదరాబాద్: తెలుగు సినిమా దర్శకుడు రాజ్ ఆదిత్య ఆత్మహత్య చేసుకున్నాడు. సికింద్రాబాదులోని ఒక హోటల్ గదిలో ఆయన ఆత్మహత్య చేసుకున్నారు. ఆయన దర్శకత్వం వహించిన మళ్ళీ మళ్ళీ సినిమా శనివారం విడుదల కావాల్సి ఉంది. ఈ స్థితిలో ఆయన ఆత్మహత్య చేసుకోవడం తెలుగు సినీ పరిశ్రమను దిగ్భ్రాంతికి గురి చేసింది. కొత్త నటీనటులతో వినూత్నమైన కథా వస్తువుతో ఆయన మళ్ళీ మళ్ళీ సినిమాను నిర్మించారు.

ఆయన దర్శకత్వం వహించిన తొలి సినిమా పౌరుడు. ఈ సినిమాలో సుమంత్ కథానాయకుడిగా నటించాడు. ఒక ప్రముఖ నిర్మాణ సంస్థ హీరో తరుణ్ తో నిర్మించబోతున్నసినిమాకు ఆయన దర్శకుడిగా ఎంపికయ్యాడు. ఆయన ఆత్మహత్యకు గల కారణాలేమిటో తెలియడం లేదు. ఆయనకు ఇబ్బందులున్నట్లు తమ దృష్టికి ఎప్పుడూ రాలేదని, ఈ ఆత్మహత్య తమను దిగ్భ్రాంతికి గురి చేసిందని మళ్ళీ మళ్ళీ సినిమా యూనిట్ సభ్యులంటున్నారు.