కూటమిదే విజయం: బాలకృష్ణ

రాజమండ్రి: వచ్చే ప్రభుత్వం మహాకూటమిదేనని సినీ నటుడు, తెలుగుదేశం నాయకుడు బాలకృష్ణ అన్నారు. గుంటూరు జిల్లా పర్యటనను ముగించుకుని తూర్పు గోదావరి జిల్లాలో పర్యటిస్తున్న ఆయన శుక్రవారం మీడియా ప్రతినిధుల సమావేశంలో మాట్లాడారు. తొలి దశ పోలింగ్ జరిగిన ప్రాంతాల్లో మహాకూటమికి 90 నుంచి వంద దాకా శాసనసభ స్థానాలు వస్తాయని ఆయన చెప్పారు. రాష్ట్రంలో నిశబ్ద విప్లవం ఉందని, అది మహాకూటమికి అనుకూలంగా ఉంటుందని ఆయన చెప్పారు. తన తండ్రి కాలం నుంచే తాను రాజకీయాల్లో ఉన్నట్లు ఆయన తెలిపారు.

ఆయన తూర్పు గోదావరి జిల్లాలోని అమలాపురం తదితర ప్రాంతాల్లో రోడ్ షోలు నిర్వహించారు. తెలుగుదేశం పార్టీ మొదటి నుంచి సామాజిక న్యాయాన్ని పాటిస్తోందని ఆయన చెప్పారు. బాలయోగిని లోకసభ స్పీకర్ ను, ప్రతిభా భారతిని శాసనసభా స్పీకర్ ను చేసి సామాజిక న్యాయమంటే ఏమిటో తెలుగుదేశం పార్టీ నిరూపించిందని ఆయన చెప్పారు. తెలుగుదేశం పార్టీ ప్రభుత్వ హయాంలోనే రాష్ట్రం అభివృద్ధి చెందిందని ఆయన చెప్పారు.