వైయస్ దగాకోరు సిఎం: బాబు

కడప‌: డాక్టర్ వైయస్ రాజశేఖర రెడ్డిని తెలుగుదేశం పార్టీ అధ్యక్షుడు నారా చంద్రబాబు నాయుడు దగాకోరు ముఖ్యమంత్రిగా అభివర్ణించారు. కడప జిల్లా పొద్దుటూరు ఎన్నికల ప్రచార సభలో ఆయన సోమవారం ప్రసంగించారు. ముఖ్యమంత్రిపై ఆయన తీవ్ర విమర్శలు చేశారు. రాజశేఖర రెడ్డి ప్రజలను మోసం చేశారని ఆయన తప్పు పట్టారు. కాంగ్రెస్ ప్రభుత్వం అవినీతిలో కూరుకుపోయిందని ఆయన అన్నారు.

జలయజ్ఞంలో అవినీతి రాజ్యమేలుతోందని ఆయన అన్నారు. ఉపాధి హామీ పథకంపై కూడా ఆయన విమర్శలు చేశారు. తాము అధికారంలోకి వస్తే నగదు బదిలీ పథకాన్ని అమలు చేస్తామని, అది ప్రజలకు ఎంతో మేలు చేస్తుందని ఆయన అన్నారు. తాము అధికారంలోకి వస్తే అమలు చేసే పథకాలను ఆయన వివరించారు. ఎన్నికల్లో కాంగ్రెసు పార్టీని ఓడించాలని ఆయన ప్రజలకు పిలుపునిచ్చారు.