టీవీ చానెళ్లలో ఎన్టీఆర్ ప్రసంగం

హైదరాబాద్‌: తొలి విడత పోలింగ్‌కు ముందు ఎలక్ట్రానిక్‌ మీడియాలో ప్రసంగించి ప్రచారం చేసిన జూనియర్‌ ఎన్టీఆర్‌ రెండో విడతకూ అదే మార్గాన్ని ఎంచుకున్నారు. సోమవారం సాయంత్రం 6 గంటలకు టీవీ ఛానెళ్ల ద్వారా ప్రజలనుద్దేశించి ప్రసంగిస్తారు. ఆ ప్రసంగాన్ని టీవీ చానెళ్లు ప్రత్యక్ష ప్రసారం చేస్తాయమి. ఈ విషయాన్ని తెలుగుదేశం పార్టీ మీడియా ఇన్‌ఛార్జి ఎల్వీఎస్‌ ఆర్‌ కే ప్రసాద్‌ ఆదివారం తెలిపారు.

నల్లగొండ జిల్లాలో జరిగిన రోడ్డు ప్రమాదంలో గాయపడిన ఎన్టీఆర్ ప్రస్తుతం ఇంటిలో విశ్రాంతి తీసుకుంటున్న విషయం తెలిసిందే. అంబులెన్స్ లో వచ్చి ఈ నెల 16వ తేదీన తన ఓటు హక్కును వినియోగించుకున్నారు. ఉత్తరాంధ్ర జిల్లాల్లో, ఖమ్మం జిల్లాలో పర్యటించి కారులో హైదరాబాదు తిరిగి వస్తుండగా జరిగిన రోడ్డు ప్రమాదంలో ఆయన తీవ్రంగా గాయపడ్డారు.