'ఫైళ్లు భద్రం' : 'ప్రభుత్వ అసమర్థత'

హైదరాబాద్‌: సచివాలయంలో జరిగిన అగ్నిప్రమాదంలో కేవలం సామాన్లు మాత్రమే కాలిపోయాయని, దస్తావేజులు, ఇతర పత్రాలు సురక్షితంగా ఉన్నాయని రాష్ట్ర అటవీశాఖ మంత్రి శత్రుచర్ల విజయరామారాజు చెప్పారు. ప్రమాదం జరిగిన డి-బ్లాక్‌ను ఆయన శుక్రవారం సందర్శించారు. అటవీశాఖకకు సంబంధించిన ఫైళ్లన్నీ భద్రంగా ఉన్నాయని, సర్వర్లు మాత్రమే కాలిపోయాయని ఆయన మీడియా ప్రతినిధులకు తెలిపారు. ఈ మధ్యాహ్నం నుంచి కార్యకలాపాలు యథావిధిగా జరుగుతాయని వివరించారు.

సచివాలయంలో అగ్నిప్రమాదం జరగడంపై సీపీఎం శాసనసభాపక్ష నాయకుడు నోముల నర్సింహయ్య విస్మయం వ్యక్తం చేశారు. ఆధునిక హంగులతో కూడిన డి-బ్లాక్‌లో ప్రమాదం జరిగే అవకాశమే లేదని ఆయన మీడియా ప్రతినిధుల వద్ద అభిప్రాయపడ్డారు. జరిగిన ప్రమాదం కాంగ్రెస్‌ ప్రభుత్వ అసమర్థతకు నిదర్శనమని ఆయన వ్యాఖ్యానించారు. దీనిపై నిష్పాక్షింగా విచారణ జరిపించాలన ఆయన డిమాండ్‌ చేశారు.