ఇక ప్యాన్స్ కీ న్యాయం :చిరంజీవి

హైదరాబాద్‌: సామాజిక న్యాయాన్ని అమలు చేయాలన్న లక్ష్యంతో అభిమానులందరికీ ఎన్నికల్లో న్యాయం చేయలేకపోయానని, ఇకపై వారందరికీ పార్టీలో సముచిత స్థానం కల్పిస్తానని ప్రజారాజ్య అధినేత చిరంజీవి హామీ ఇచ్చారు. ఆదివారం ఆయన అభిమానులతో పీఆర్పీ కార్యాలయంలో సమావేశం అయ్యారు. ఈ సందర్భంగా ప్రసంగిస్తూ స్థానిక సంస్థల ఎన్నికల్లో అత్యధిక సీట్లు అభిమానులకే కేటాయిస్తామని చిరు తెలిపారు.

ఎట్టి పరిస్థితుల్లోను అభిమానులకు దూరం అయ్యే ప్రసక్తే లేదని ఆయన స్పష్టం చేశారు. పీఆర్పీ వందేళ్లు ఉండాల్సిన పార్టీ అని, దాన్ని కాపాడుకోవాల్సిన బాధ్యత మనందరిదన్నారు. స్వర్థ ప్రయోజనాలు ఆశించే టికెట్లు రాని కొందరు అభిమానులు పార్టీని వీడారని విమర్శించారు. ఇక ముందు పార్టీలో అభిమానులకు సముచిత స్థానం ఇస్తామని ప్రజారాజ్య పార్టీ అధినేత చిరంజీవి భరోసా ఇచ్చారు. తొందరపాటుకులోనై కొందరు అభిమానులు పార్టీకి దూరం కావడం తనకు బాధ కల్గించిందని వారు తిరిగి వస్తానంటే తాను మనస్ఫూర్తిగా ఆహ్వానం పలుకుతానని ఆయన అన్నారు.