వైయస్ కు రోజా ప్రశంస

హైదరాబాద్‌: అతి కీలక శాఖ అయినటువంటి హోంశాఖ బాధ్యతను మహిళక అప్పగించడం విశేషమని అభినందనీయమని తెలుగు మహిళా అధ్యక్షురాలు రోజా అన్నారు. ఈ సందర్బంగా ఆమె మట్లాడుతూ రాష్ట్రంలోనే తొలిసారిగా ఓ మహిళకు హోంమంత్రిగా పదవీ బాధ్యతలు అప్పగించడం సంతోషంగా ఉందన్నారు. మహిళలపై జరుగుతున్న అకృత్యాలను అరికట్టేందుకు హోంమంత్రి కృషి చేస్తారని ఆమె ఆశాభావం వ్యక్తం చేశారు. రాష్ట్ర చరిత్రలో హోం శాఖను ఓ మహిళకు కేటాయించటం ద్వారా వైయస్ చరిత్ర సృష్టించారు. దీనిపై అన్ని వర్గాల మహిళల నుంచి మంచి స్పందన వస్తోంది.

ఈ సందర్భాగా సబిత మాట్లాడుతూ..ముఖ్యమంత్రి వైఎస్‌ తన మీద ఉంచిన నమ్మకాన్ని వమ్ము చేయనని, ప్రజలకు మంచి జరిగేలా రాష్ట్రానికి, ముఖ్యమంత్రికి మంచి పేరు తెచ్చేలా హోంశాఖను నిర్వహిస్తాని హోం మంత్రి సబితా ఇంద్రారెడ్డి తెలిపారు. సిఎం సహకారంతో రాష్ర్టంలో శాంతి భద్రతలను కాపాడతానని ఆమె విశ్వాసం వ్యక్తం చేశారు. గతంలో తన భర్త దివంగత పి.ఇంద్రారెడ్డి నిర్వహించిన శాఖను ఇపుడు తనకు కేటాయించడంపై సబితా ఇంద్రారెడ్డి సంతోషాన్ని వ్యక్తం చేశారు.