నాపై రాక్షస ప్రచారం: డిఎస్

హైదరాబాద్: తనపై భారతీయ జనతా పార్టీ దుష్ప్రచారం చేయడం వల్లనే తాను ఓడిపోయాయనని ప్రదేశ్ కాంగ్రెస్ కమిటీ (పిసిసి) అధ్యక్షుడు డి.శ్రీనివాస్ అన్నారు. బిజెపి నాయకులు తనను రాక్షసుడిగా చిత్రీకరించారని ఆయన బుధవారం మీడియా ప్రతినిధుల సమావేశంలో అన్నారు. పేచీలు పెట్టి బిజెపి తాను పోటీ చేసిన శాసనసభా నియోజకవర్గంలో బిజెపి లబ్ధి పొందిందని ఆయన అన్నారు. ఒక కుట్రతో తనపై విషప్రచారం చేసిందని ఆయన అన్నారు.

ఎన్నికల ఫలితాలకు తెలంగాణవాదానికి సంబంధం లేదని ఆయన అన్నారు. తెలంగాణపై తమ పార్టీ అధ్యక్షురాలు సోనియా గాంధీ నిర్ణయం తీసుకుంటారని ఆయన చెప్పారు. తాను, ముఖ్యమంత్రి డాక్టర్ వైయస్ రాజశేఖర రెడ్డి జంటగా పని చేసి పార్టీకి విజయాన్ని సాధించి పెట్టామని ఆయన చెప్పుకున్నారు. పార్టీ దెబ్బ తిన్న చోట పునర్నిర్మిస్తామని ఆయన చెప్పారు. నామినేటెడ్ పదవులను త్వరలో భర్తీ చేస్తామని కూడా ఆయన చెప్పారు. ప్రస్తుతం లభించిన విజయం స్ఫూర్తితో మరింత ముందుకు పోతామని ఆయన అన్నారు.