వలస నేతలతో అల్లు అరవింద్ భేటీ

హైదరాబాద్: ప్రజారాజ్యం పార్టీ ప్రధాన కార్యదర్శి అల్లు అరవింద్ శనివారం పార్టీ సీనియర్ నేతలతో సమావేశమయ్యారు. ఆయన తన నివాసంలో మధ్యాహ్నం విందు భోజనం ఏర్పాటు చేసి వారితో మాట్లాడారు. ఈ సమావేశానికి తెలుగుదేశం పార్టీ నుంచి ప్రజారాజ్యంలోకి వచ్చిన వలస నేతలే హాజరు కావడం విశేషం. ప్రజారాజ్యంలోకి వెళ్లిన తమ పార్టీ నాయకులను తిరిగి పార్టీలోకి ఆహ్వానించాలని తెలుగుదేశం పార్టీ అధ్యక్షుడు నారా చంద్రబాబు ఆలోచిస్తున్నారనే వార్తలు వెలువడుతున్న నేపథ్యంలో అల్లు అరవింద్ ఈ సమావేశం ఏర్పాటు చేశారు.

ప్రజారాజ్యం పార్టీలోని వలస నేతలకు చంద్రబాబు పోనులు చేస్తున్నట్లు కూడా ప్రచారం జరుగుతోంది. చంద్రబాబు తమకు ఫోన్ చేసినా ఆశ్చర్యం లేదని తమ్మినేని సీతారాం ఇంతకు ముందు అన్నారు. ఈ నేతలంతా జారిపోతారనే భయంతో అల్లు అరవింద్ ఈ సమావేశం ఏర్పటు చేసినట్లు భావిస్తున్నారు. అయితే తాము తెలుగుదేశం పార్టీలోకి వెళ్లేది లేదని తమ్మినేని సీతారాం చెప్పారు. ఈ సమావేశంలో టి.దేవేందర్ గౌడ్, తమ్మినేని సీతారాం, కోటగిరి విద్యాధర రావు, భూమానాగిరెడ్డి, శోభా నాగిరెడ్డి తదితరులు ున్నారు. తిరుపతి పర్యటనలో ఉన్న ప్రజారాజ్యం అధ్యక్షుడు చిరంజీవి శనివారం హైదరాబాద్ వస్తున్నారు.