అప్పుడే కేసీఆర్‌, విజయశాంతి..

న్యూఢిల్లీ: లోకసభ సమావేశాలకు మన వాళ్ల అటెండెన్స్ సరిగా లేకపోవటం చాలా కాలంగా జరుగుతున్నదే. ఇక ఈ 15వ లోకసభ తొలి సమావేశాలకు మహబూబ్‌ నగర్‌ నుంచి ఎన్నికైన తెలంగాణ రాష్ట్రసమితి అధినేత కె.చంద్రశేఖరరావు, మెదక్‌ నుంచి ఎన్నికైన విజయశాంతిలు హజరు కాలేదు. కాంగ్రెస్‌ లోకసభ సభ్యులలో కావూరి సాంబశివరావు, సబ్బం హరిలు ప్రమాణ స్వీకారానికి హజరు కాలేదు.ఇది హాట్ టాపిక్కై విమర్శలుకు దారితీస్తోంది.

లోకసభ తొలి సమావేశాల్లో పలువురు ఎంపీలు తమ తమ మాతృభాషలలో ప్రమాణ స్వీకారం చేసి భాషాభిమానాన్ని చాటుకున్నారు. మన రాష్ట్రానికి చెందిన పురంధేశ్వరి, ఉండవల్లి అరుణ్‌కుమార్‌, మందా జగన్నాథం, కిల్లి కృపారాణి, బొత్సా ఝాన్సీ, పి.బలరాం, నామా నాగేశ్వర రావు, హర్షకుమార్‌, వైఎస్‌ జగన్‌ మోహన్‌ రెడ్డి, లగడపాటి రాజగోపాల్‌, నిమ్మల కిష్టప్ప, కోట్ల సూర్యప్రకాశ్‌ రెడ్డి, తదితరులు తెలుగులో ప్రమాణ స్వీకారం చేశారు. హోం మంత్రి చిదంబరం తమిళం, బీజేపీ ఎంపీ సుమిత్రామహాజన్‌ సంస్కృతంలో ప్రమాణం చేశారు.