మావోయిస్టు ఖైదీలతో గద్దర్

హైదరాబాద్: చర్లపల్లి కేంద్ర కారాగారంలో ఉన్న మావోయిస్టు ఖైదీలను ప్రజాగాయకుడు గద్దర్‌ బుధవారం కలుసుకున్నారు. శ్రీరాముల శ్రీనివాస్‌, ఇతర మావోయిస్టు ఖైదీలతో గద్దర్‌ ఆరగంటకు పైగా వివిధ అంశాల మీద చర్చించారు. ఇటీవల ఆత్మవిమర్శ పేరిట తెలంగాణ అంశంపై తీసుకున్న నిర్ణయాలను గద్దర్‌ శ్రీరాముల శ్రీనివాస్‌ కు వివరించినట్లు తెలిసింది.

రెండు రోజుల నుంచి కనిపించకుండా పోయిన విప్లవ రచయితల సంఘం హైదరాబాద్‌ నగర కమిటీ సభ్యుడు క్రాంతి ఎక్కడున్నాడో తెలియజేయాలని విప్లవ రచయితల సంఘం హైదరాబాద్‌ నగర కన్వీనర్‌ గీతాంజలి, నాయకులు వరవరరావు, పాణి, ఖాసిం ఒక ప్రకటనలో పోలీసులను డిమాండ్‌ చేశారు. రెండు రోజుల క్రితం తూర్పుగోదావరి జిల్లాలో జనశక్తి నేత రమేష్‌ ను అరెస్టు చేసినప్పుడు రమేష్‌ తో పాటు క్రాంతి కూడా ఉన్నాడని వారు పేర్కొన్నారు.