పర్యావరణాన్ని పరిరక్షించండి: సిఎం

హైదరాబాద్‌: ప్రపంచ పర్యావరణ పరిరక్షణ దినోత్సవాన్ని పురష్కరించుకుని ముఖ్యమంత్రి వైయస్‌ రాజశేఖర్‌ రెడ్డి తన క్యాంపు కార్యాలయంలో గ్రీన్‌ ర్యాలీని ప్రారంభించారు. పర్యావరణ పరిరక్షణకు ప్రతి ఒక్కరు కృషి చేయాలని ముఖ్యమంత్రి పిలుపునిచ్చారు. ఈ ర్యాలీలో పెద్ద సంఖ్యలో పాఠశాల విద్యార్థులు పాల్గొన్నారు.

మరోవైపు పర్యావరణ పరిరక్షణపై ప్రజల్లో చైతన్యం పెంపొందించేందుకు పది ప్రభుత్వ శాఖాల ఆధ్వర్యంలో నగరంలో పలు కార్యక్రమాలు చేపట్టారు. హైదరాబాదులో పర్యావరణ పరిరక్షణ సమితి ర్యాలీ నిర్వహించింది. ఈ సందర్భంగా 20 వేల మొక్కలు నాటనున్నట్లు సమితి కన్వీనర్ శ్రీనివాస్ చెప్పారు. పర్యావరణ పరిరక్షణ అనేది ప్రతి ఒక్కరి సాంఘిక బాధ్యత అని ఆయన అన్నారు. విజయవాడలో కాలుష్య నియంత్రణ మండలి ఆధ్వర్యంలో ర్యాలీ జరిగింది.