గోడౌన్లపై దాడులు చేస్తాం: నారాయణ

హైదరాబాద్‌: నిత్యావసర సరుకుల ధరలు తగ్గించకపోతే, ధరలను అదుపు చేయకపోతే తామే గోదాములపై దాడులు చేస్తామని సిపిఐ రాష్ట్ర కార్యదర్శి కె.నారాయణ హెచ్చరించారు. బ్లాక్ మార్కెట్ కు పాల్పడుతున్నవారిని కఠినంగా శిక్షించాలని ఆయన ప్రభుత్వాన్ని డిమాండ్ చేశారు. ధరలను అదుపు చేయడంలో ప్రభుత్వం విఫలమైందని ఆయన విమర్శించారు. పెరిగిన నిత్యవసర ధరలపై సీపీఐ రాష్ట్రవ్యాప్త ఆందోళనకు శుక్రవారం శ్రీకారం చుట్టింది. ఈ సందర్భంగా నారాయమ మాట్లాడారు.

ప్రతి మండల కేంద్రంలో ఆ పార్టీ నిరసన కార్యక్రమాలు చేపడుతోంది. అధిక ధరలకు నిరసనగా హైదరాబాద్‌లోని పౌరసరఫరా శాఖ కార్యాలయం ముందు ఆపార్టీ రాష్ట్ర కార్యదర్శి నారాయణ నేతృత్వంలో ఆందోళన చేపట్టారు. కాంగ్రెస్‌ ప్రభుత్వం వచ్చిన తర్వాత పెట్రోలు, నిత్యావసర ధరలు వీపరీతంగా పెరిగాయని ఆయన అన్నారు. విజయవాడలోనూ సిపిఐ ధర్నా కార్యక్రమం నిర్వహించింది.