బాబ్లీపై మహారాష్ట్రకు సుప్రీం నోటీసులు

న్యూఢిల్లీ: గోదావరి నదిపై అక్రమంగా నిర్మిస్తున్న బాబ్లీ ప్రాజెక్టుపై కోర్టు ధిక్కరణకు పాల్పడినందుకు సుప్రీంకోర్టు మహారాష్ట్ర ప్రభుత్వానికి నోటీసులు జారీ చేసింది. కేసు విచారణను సెప్టెంబర్ 8వ తేదీకి వాయదా వేసింది. ఆదేశాలను ధిక్కరించి గేట్లు ఎందుకు నిర్మించారని సుప్రీంకోర్టు మహారాష్ట్ర ప్రభుత్వాన్ని ప్రశ్నించింది. అయితే గేట్లను నిర్వహించడం లేదని, ప్రయోగాత్మకంగా మాత్రమే వాటిని పెట్టామని మహారాష్ట్ర తరఫు న్యాయవాది సుప్రీంకోర్టుకు తెలిపారు.

మహారాష్ట్ర ప్రభుత్వం పరోక్షంగా తన తప్పును సుప్రీంకోర్టు ముందు అంగీకరించిందని, ఇది మంచి పరిణామమని కాంగ్రెసు పార్లమెంటు సభ్యుడు మధుయాష్కీ గౌడ్ అన్నారు. మహారాష్ట్ర ప్రభుత్వం బాబ్లీకి 14 గేట్లు నిర్మిస్తే ప్రభుత్వం సుప్రీంకోర్టు నాలుగు గేట్లను మాత్రమే చూపిందని తెలుగుదేశం పార్లమెంటు సభ్యుడు ఎర్రబెల్లి దయాకర రావు విమర్శించారు.