ఆంధ్ర సాఫ్ట్ వేర్ కన్సల్టెంట్ మృతి

వాషింగ్టన్: అమెరికాలోని ఫ్లోరిడాలో గల డీర్ ఫీల్డ్ లో ఆదివారం తెల్లవారుజామును చంద్ర నారాయణ మూర్తి బమ్మిడి అనే సాఫ్ట్ వేర్ కన్సల్టెంట్ మృతి చెందాడు. ఈ విషయాన్ని ఉత్తర అమెరికా తెలుగు సొసైటీ తెలియజేసింది. ఆంధ్రప్రదేశ్ లోని విశాఖపట్నానికి చెందిన ఆయన వయస్సు 49 ఏళ్లు. ఆయనకు పదిహేనేళ్ల కూతురు, పదేళ్ల కుమారుడు ఉన్నారు. కుటుంబంలో సంపాదనాపరుడు ఆయన ఒక్కడే. దీంతో ఆయన కుటుంబ దిక్కు తోచని స్థితిలో పడిపోయింది.

హెచ్ 1 బి వీసా మీద ఉన్న ఆయన గత ఆరు నెలలుగా బెంచ్ మీద ఉన్నాడు. ఆరు నెలలుగా అతనికి ప్రాజెక్టులేవీ లేవు. ఈ స్థితిలో అతని కుటుంబ సభ్యులకు ఆర్థిక సాయం అవసరమని సొసైటీ అంటోంది. అందుకు నాట్స్ తన వంతు కృషి చేస్తోంది. ఈ చెక్కును ఈ రూపంలో పంపాలని సొసైటీ విజ్ఞప్తి చేస్తోంది. "North America Telugu Society, Inc." with "Chandra Narayana Murthy Bammidi" in the memo and mail it to North America Telugu Society, P. O. Box 810096, Boca Raton, FL 33481-0096.