టిడిపిపై స్పీకర్ కు మంత్రుల ఫిర్యాదు

హైదరాబాద్: తెలుగుదేశం శాసనసభ్యులపై రాష్ట్ర మంత్రులు పలువురు శాసనసభ స్పీకర్ కిరణ్ కుమార్ రెడ్డికి ఫిర్యాదు చేశారు. సభలో రౌడీలా వ్యవహరిస్తున్నావంటూ ముఖ్యమంత్రి డాక్టర్ వైయస్ రాజశేఖర రెడ్డి తెలుగుదేశం సభ్యుడు ఎర్రబెల్లి దయాకరరావుపై చేసిన వ్యాఖ్య అనంతరం చెలరేగిన గందరగోళం అనంతరం బుధవారం వారు స్పీకర్ ను కలిశారు. స్పీకర్ తో మంత్రులు సమావేశమయ్యారు.

సభా కార్యక్రమాలకు ప్రతిపక్షాలు ప్రతిక్షణం అడ్డుపడుతున్నాయని వారు స్పీకర్ కు ఫిర్యాదు చేశారు. ప్రశ్నోత్తరాల సమయంలో మంత్రులు సమాధానం ఇస్తుంటే తెలుగుదేశం సభ్యులు అడ్డుకుంటున్నారని వారు విమర్శించారు. వారు మంత్రులకు అడ్డుపడకుండా కట్టడి చేయాలని వారు కోరారు. దురుసుగా ప్రవర్తించే సభ్యులపై చర్యలు తీసుకోవాలని వారు స్పీకర్ ను కోరారు.