పోతే పోనీ, ఎవరైనా: చిరంజీవి

కరీంనగర్: తమ పార్టీ నుంచి ఎవరు వెళ్లిపోయినా నష్టం లేదని ప్రజారాజ్యం పార్టీ అధినేత చిరంజీవి అన్నారు. తమ్మినేని సీతారాం పార్టీకి రాజీనామా చేసి తెలుగుదేశం పార్టీలో చేరుతున్నట్లు వస్తున్న వార్తలపై ఆయన ఆ విధంగా ప్రతిస్పందించారు. స్వార్థంతో వచ్చిన వారు వెళ్లిపోతే పార్టీ ప్రక్షాళన అవుతుందని, ఆ తర్వాత ప్రజల మద్దతుతో బలోపేతం అవుతుందని ఆయన మీడియా ప్రతినిధులతో అన్నారు.

తాను వ్యక్తుల కోసం పార్టీ పెట్టలేదని, ప్రజల కోసం పెట్టానని ఆయన అన్నారు. కొంత మంది పార్టీ నుంచి వెళ్లిపోయినంత మాత్రాన జరిగే నష్టం ఏమీ లేదని ఆయన అన్నారు. ప్రజా సమస్యల కోసం తాము పని చేస్తామని, వ్యక్తుల కోసం కాదని ఆయన అన్నారు. తమ్మినేని సీతారాం మాత్రమే కాకుండా కమిడి కళా వెంకటరావు వంటి నేతలు కూడా ప్రజారాజ్యం పార్టీకి రాజీనామా చేసే అవకాశాలున్నట్లు వార్తలు వస్తున్నాయి.