కరవుపై 7గురు మంత్రులతో కమిటీ

హైదరాబాద్: రాష్ట్రంలో నెలకొన్న కరువు పరిస్థితిని ఎదుర్కునేందుకు రాష్ట్ర ప్రభుత్వం శుక్రవారం ఒక కమిటీని ఏర్పాటు చేసింది. ఈ కమిటీలో ఏడుగురు మంత్రులుంటారు. ఈ కమిటీ ప్రతి వారం సమావేశమై పరిస్థితిని సమీక్షిస్తుంది. ఆర్థిక మంత్రి కె.రోశయ్య, హోం మంత్రి సబితా ఇంద్రారెడ్డి, మంత్రులు ధర్మాన ప్రసాదరావు, రఘువీరా రెడ్డి, వట్టి వసంతకుమార్, జూపల్లి కృష్ణారావు, విశ్వరూప్ లు ఈ కమిటీ సభ్యులుగా ఉంటారు.

కరవు వల్ల ఆత్మహత్యలు చేసుకున్న రైతుల వివరాలు పంపాలని ప్రభుత్వం అన్ని జిల్లాల కలెక్టర్లను ఆదేశించింది. కరువు వల్ల ఆత్మహత్యలు చేసుకున్న రైతులక కుటుంబాలను ఆదుకునేందుకు లక్షా 50 రూపాయల ఆర్థిక సహాయం అందించాలని ప్రభుత్వం నిర్ణయించింది. కరవు పరిస్థితులను ఎదుర్కునేందుకు ప్రభుత్వం అన్ని చర్యలూ తీసుకుంటోందని మంత్రి రోశయ్య చెప్పారు.