కర్జాయ్ ఇంటిపై రాకెట్ల దాడి

కాబూల్: అఫ్గనిస్తాన్ అధ్యక్షుడు హమీద్ కర్జాయ్ ఇంటిపై ఉగ్రవాదులు మంగళవారం ఉదయం రాకెట్లతో దాడి చేశారు. అయితే ఈ దాడిలో ఏ విధమైన ప్రాణనష్టం జరగలేదని టైమ్స్ నౌ తెలియజేస్తోంది. కాబూల్ లోని పోలీసు కేంద్ర కార్యాలయంపై కూడా దాడి జరిగినట్లు సమాచారం.

గురువారం అధ్యక్ష ఎన్నికలు జరగనున్న నేపథ్యంలో అఫ్గనిస్తాన్ లో హింస పెరుగుతోంది. కేవలం తాలిబన్లు మాత్రమే హింసకు దిగడం లేదని తెలుస్తోంది. ఇతర గ్రూపులు కూడా దీనికి కారణమని అంటున్నారు. తాము హమీద్ కర్జాయ్ పై గెలుస్తామని ఆయన ప్రత్యర్థి, మాజీ విదేశాంగ మంత్రి అబ్దుల్లా అబ్దుల్లా సోమవారం అన్నారు.