మిస్టరీ వైరస్: 137 మంది మృతి

న్యూఢిల్లీ: స్వైన్ ఫ్లూ వ్యాధిని అదుపు చేయడానికి ప్రభుత్వ యంత్రాంగాలు తంటాలు పడుతున్న సమయంలో మిస్టరీ వైరస్ ఉత్తరప్రదేశ్ లో 137 ప్రాణాలను బలి తీసుకుంది. ఆ వైరస్ కు సంబంధించి భారత, అమెరికా నిపుణులకు అంతు చిక్కడం లేదు. ఈ ఏడాది జనవరి నుంచి అక్యూట్ ఎన్ సెఫాలిటిస్ సిండ్రోమ్ కేసులు 665 నమోదయ్యాయి. అది విపరీతమైన న్యూరోలాజికల్ స్థితికి దారి తీసి 137 మంది మరణించారు.

వీటిలో 34 మరణాలు జపనీస్ ఎన్ సెఫాలిటిస్ తో మరణించినట్లు ల్యాబ్ పరిశోధనల్లో తేలింది. మిగతా 133 మంది ఏ కారణాల వల్ల మరణించారనే విషయంపై శాస్త్రవేత్తలకు అంతుబట్టడం లేదు. మిస్టరీ వైరస్ వల్ల మెదడు వాపు వ్యాధి వచ్చి మరణాలు సంభవిస్తున్నాయని అధికారులంటున్నారు. ఈ వ్యాధి నిరుటి నుంచి ఉత్తరప్రదేశ్ ను పీడిస్తూనే ఉందని చెప్పారు.