అనుమానాస్పదంగా ఇద్దరు మృతి

హైదరాబాద్: సికింద్రాబాదులోని గోకుల్ లాడ్జిలో ఇద్దరు అనుమానాస్పద స్థితిలో మరణించారు. నాలుగు రోజుల క్రితం సికింద్రాబాదులోని ఎఆర్కే లాడ్జిలో నలుగురు హత్యకు గురైన సంఘటనను మరవక ముందే ఈ సంఘటన చోటు చేసుకుంది. గోకుల్ లాడ్జి ఎఆర్కే లాడ్జిలు పక్కపక్కనే ఉంటాయి. లాడ్జి గదిలో మహేష్ అనే వ్యక్తి శవం ఉరేసుకున్నట్లు వేలాడుతూ ఉండగా పదేళ్ల బాలుని శవం మంచంపై పడి ఉంది. మృతులు విశాఖలోని రైల్వే లైన్ కు చెందినవారిగా లాడ్జీ రికార్డుల్లో నమోదై ఉంది.

ఈ నెల 21వ తేదీన వారిద్దరు లాడ్జిలో దిగారు. సోమావారం రాత్రి 9 గంటల ప్రాంతంలో వారు గదికి వచ్చినట్లు లాడ్జి సిబ్బంది చెబుతున్నారు. వారిద్దరిని తండ్రీకొడుకులుగా భావిస్తున్నారు. సమాచారం తెలిసిన వెంటనే పోలీసులు సంఘటనా స్థలంలోకి చేరుకుని దర్యాప్తు ప్రారంభించారు. లాడ్జి సిబ్బందిని ప్రశ్నిస్తున్నారు.