రియాల్టీ షో: మహిళలకు విముక్తి

ఇస్తాంబుల్: బూటకం బ్రదర్ రియాల్టీ షో నుంచి పోలీసులు 9 మంది మహిళలకు విముక్తి కలిగించారు. తాము రియాల్టీ టీవీ షో పోటీదారులమని నమ్మి ఆ మహిళలు ఇస్తాంబుల్ లోని బూటకం బిగ్ బ్రదర్ హౌస్ లో రెండు నెలల పాటు బందీలుగా ఉన్నారు. వారిని టర్కిష్ మిలిటరీ పోలీసులు విముక్తి కలిగించారు. హౌస్ లో 24 గంటల పాటు కెమెరాలు పెట్టి చిత్రాలు తీసి ఇంటర్నెట్ యూజర్స్ కు అందుబాటులో ఉంచినట్లు పోలీసు అధికారి ఒకరు చెప్పారు.

హౌస్ లో ప్రవేశించడానికి ముందు వారికి ఆడిషన్ నిర్వహించారు. వారి ఆచూకీ తెలియకపోవడంతో వారి తల్లిదండ్రులు పోలీసులకు ఫిర్యాదు చేశారు. పోలీసులు దర్యాప్తు మొదలు పెట్టి మహిళల చప్పుడు వినిపించడంతో ఆ హౌస్ పై దాడి చేశారు. ఇందుకు సంబంధించి పోలీసులు ముగ్గురు వ్యక్తులను అదుపులోకి తీసుకున్నారు. తమ కుటుంబ సభ్యులతో ఏ విధమైన సంబంధాలు పెట్టుకోబోమని, ముందుగానే వైదొలిగితే 50 వేల రూపాయల జరిమానా కడతామని ఆ మహిళలు కాంట్రాక్టు రాసిచ్చారు.