సత్యం రాజుకు యాంజియోగ్రామ్

హైదరాబాద్: సత్యం రామలింగరాజుకు నిమ్స్‌ వైద్యులు శనివారం యాంజియోగ్రామ్‌ నిర్వహించారు. కార్డియాలజీ హెడ్‌ డాక్టర్‌ శేషగిరిరావు నేతృత్వంలో ఈ పరీక్షలు జరిగాయి. గుండెకు రక్తాన్ని సరఫరా చేసే రక్తనాళంలో రెండుచోట్ల బ్లాక్‌లు ఏర్పడ్డాయని తెలిసింది. అంతే కాకుండా యాంజియోప్లాస్టీ తక్షణమే చేసేందుకు అనువుగా లేనట్లు వైద్యులు తేల్చారు. రెండు రోజుల తరువాతే దీనిని చేపట్టే అవకాశం ఉంది.

రాజుకు మయో కార్డియల్‌ ఇన్‌ఫెక్షన్‌ ఉన్నట్టు నిర్ధారించిన వైద్యులు.. రక్తనాళంలో బ్లాక్‌లను తొలగించడానికి స్ట్రెక్టోకినాస్‌ (ఎస్‌టీకె) ఇంజక్షన్‌ ఇచ్చారు. 72 గంటల అబ్జర్వేషన్‌ అనంతరం యాంజియోగ్రామ్‌ చేశారు. ఇదిలా ఉండగా.. మావోయిస్టు కేంద్ర కమిటీ సభ్యుడు తుషార్‌కాంత్‌ భట్టాచార్యకూ వైద్యులు యాంజియోగ్రామ్‌ చేశారు.