ప్రమాదంలో 6గురు యాత్రికుల మృతి

భువనేశ్వర్: ఒరిస్సాలో జరిగిన రోడ్డు ప్రమాదంలో ఆరుగురు యాత్రికులు మరణించినట్లు పోలీసులు గురువారం చెప్పారు. వీరు ఉత్తరప్రదేశ్ కు చెందినవారని వారు చెప్పారు. యాత్రికులు ప్రయాణిస్తున్న బస్సు వేగంగా వస్తున్న ట్రక్కు ఢీకొట్టడంతో పూరీ నుంచి తిరిగి వెళ్తుండగా ఈ ప్రమాదం సంభవించింది.

ఒరిస్సాలోని భద్రక్ జిల్లాలో బుధవారం రాత్రి జరిగిన ఈ రోడ్డు ప్రమాదంలో మరో ముగ్గురు తీవ్రంగా గాయపడ్డారు. పూరీ నుంచి తిరిగి వెళ్తున్న యాత్రికుల బస్సు రోడ్డు పక్కన ఆగింది. వేగంగా వచ్చిన ట్రక్కు ఆ బస్సును వెనక నుంచి ఢీకొట్టింది. దీంతో ఆరుగురు అక్కడికక్కడే మరణించారు. యాత్రికులు ఉత్తరప్రదేశ్ లోని బలరాంపూర్ కు చెందినవారు.