రాహుల్ కాబట్టి వార్తయింది

న్యూఢిల్లీ: రైళ్లపైకి రాళ్లు రువ్వడం ఉత్తర రైల్వేలో సర్వసాధారణమని, శతాబ్ది ఎక్స్ ప్రేస్సులో కాంగ్రెసు నేత రాహుల్ గాంధీ ప్రయాణించారు కాబట్టి రాళ్లు రువ్విన సంఘటన వార్తగా మారింది. అటువంటి సంఘటనలో తొలిసారి అరెస్టులు జరిగాయి. దేశవ్యాప్తంగా అటువంటి సంఘటనలు జరుగుతున్నాయని, కొన్ని ప్రాంతాల్లో డ్రైవర్లు గాయపడిన సంఘటనలు కూడా ఉన్నాయని ఉత్తర రైల్వేల జనరల్ మేనేజర్ వివేక్ సహాయ్ అన్నారు. రాళ్లు రువ్వే సంఘటనలు ప్రమాదకరంగా పరిణమించాయని, కేవలం ఢిల్లీ జోన్ లోనే రాళ్లు రువ్విన సంఘటనలో పగిలిపోయిన అద్దాలను తొలగించి కొత్తవి పెట్టడానికి ప్రతి నెల 3.50 లక్షల రూపాయలు ఖర్చు చేస్తోంది. అలా దెబ్బ రైళ్లు 28 దాకా ఉంటున్నాయి.

సిపిఆర్వో అనంత్ స్వరూప్ చెప్పిన వివరాల ప్రకారం ఉత్తర రైల్వే ప్రతి నెల ఢిల్లీ డివిజన్ లో శతాబ్బి రైళ్లకు, రాజధాని రైళ్లకు చెందిన 122 కిటికీ అద్దాలను మారుస్తుంది. రాళ్లు రువ్విన సంఘటనలకు సంబంధించి చాలా వరకు ఫిర్యాదులు కూడా ఉండవని డివిజనల్ మేనేజర్ (ఢిల్లీ) బిడి గార్గ్ అంటున్నారు. ఈ ఏడాది ఆరు ఎఫ్ఐఆర్ లు మాత్రమే నమోదు కాగా వాటిలో ఒకటి రాహుల్ గాంధీ సంఘటనకు సంబంధించింది.