ఓటమిని అంగీకరించిన కమలనాథులు

న్యూఢిల్లీ: మహారాష్ట్ర శాసనసభ ఎన్నికల్లో శివసేన - బిజెపి కూటమి ఓటమిని అంగీకరించింది. ఫలితాలు వస్తున్న తీరును బట్టి తాము ఓటమిని అంగీకరిస్తున్నట్లు సీనియర్ బిజెపి నాయకుడు గోపీనాథ్ ముండే ఒక టీవీ చానెల్ తో అన్నారు. కాంగ్రెసు - ఎన్సీపి కూటమి చాలా నియోజకవర్గాల్లో ముందంజలో సాగుతున్నాయి. ఎంఎన్ ఎస్ వల్లనే తాము ఓడిపోయామని బిజెపి వ్యాఖ్యానించింది. ఎంఎన్ఎస్ నేత రాజ్ థాకరేను ఉసిగొల్పింది కాంగ్రెసు పార్టీయేనని బిజెపి వ్యాఖ్యానించింది.

తాము ఓడిపోయామని, దీన్ని అంగీకరించాల్సి ఉంటుందని శివసేన నాయకుడు, లోక్ సభ మాజీ స్పీకర్ మనోహర్ జోషీ అన్నారు. ఈ ఫలితాలు ఎలా వచ్చాయనేది ఆలోచించాల్సి ఉందని, ఇటువంటి ఫలితాలను తాము ఊహించలేదని ఆయన అన్నారు. ఇది అందరి ఓటమి అని బిజెపి మహారాష్ట్ర శాఖ అధ్యక్షుడు నితిన్ గడ్కారీ అన్నారు. ఓటమికి తాను ఎవరినీ నిందించదలుచుకోలేదని ఆయన అన్నారు.