విశాఖ ఏజెన్సీలో నక్సల్స్ విధ్వంసం

విశాఖపట్నం: ఆపరేషన్‌ గ్రీన్‌ హంట్‌ పేరిట కేంద్ర సర్కారు చేపట్టిన ఆపరేషన్‌ను వ్యతిరేకిస్తూ నక్సల్స్‌ మరో మారు విశాఖ ఏజెన్సీలో విధ్వంసానికి దిగారు. ఆంధ్రా-ఒరిస్సా సరిహద్దులోని చిత్రకొండ సమీపంలో భారీ ఎత్తున చెట్లను నరికి పడేశారు. దీంతో రెండు రాష్ట్రాల మధ్య రాకపోకలు నిలిచిపోయాయి.

సీలేరు మీదుగా ఒరిస్సాలోకి వెళ్లాల్సిన ఆర్టీసీ బస్సులు, రవాణాలారీలు ఇతరవాహనాలుతిరుగుముఖం పట్టాయి. ఈనెల 4,5 తేదీల్లో ఏఓబీలో చేపట్టిన బంద్‌ను విజయవంతం చేయాలంటూ జీకే వీధి మండలం కొత్తపల్లి- లంకపాకలు మధ్య చెట్లు నరికి పడేసిన మావోయిస్టులు ఇవాళ మళ్లీ అదేబాటపట్టారు. ఎయిర్‌ బాంబింగ్‌ను వ్యతిరేకించాలని వివిధ ప్రాంతాల్లో పోస్టర్లు అంటించారు.