పెషావర్ లో పేలుడు: 4గురు మృతి

పెషావర్: పాకిస్తాన్ లోని పెషావర్ లో సోమవారం బాంబు పేలుడు సంభవించింది. ఈ సంఘటనలో నలుగురు మరణించినట్లు, మరో ఏడుగురు గాయపడ్డారని మీడియా వార్తలు తెలియజేస్తున్నాయి. పెషావర్ లోని లతీఫాబాద్ చౌక్ లో ఈ పేలుడు సంభవించింది. పోలీసులు ఆ ప్రాంతాన్ని చుట్టుముట్టారు. సహాయక బృందాలు రంగంలోకి దిగాయి.

పోలీసు చెక్ పాయింట్ వద్ద ఈ పేలుడు సంభవించిందని, అయితే మరణాల సంఖ్య తెలియదని పోలీసు అధికారి ఖుర్షీద్ ఖాన్ చెప్పారు. ఆదివారంనాడు కూడా పెషావర్ లో పేలుడు సంభవించింది. ఇందులో 12 మంది మరణించారు. తాలిబన్ వ్యతిరేక మేయర్ కూడా మరణించారు. గత కొద్ది కాలంగా ఉగ్రవాదులు పెషావర్ ను లక్ష్యంగా చేసుకుని దాడులకు తెగబడుతున్నారు.