ఐఇడి పేలుడులో బిఎస్ఎఫ్ డిఐజి మృతి

జమ్మూ: జమ్మూలోని రాంగడ్ సెక్టార్ లోని అంతర్జాతీయ సరిహద్దు వద్ద మిలిటెంట్లు పేలుడుకు పాల్పడడంతో సోమవారం భారత భద్రతా బలగాలకు చెందిన డిప్యూటీ ఇన్ స్పెక్టర్ జనరల్ (డిఐజి) మృతి చెందాడు. మిలిటెంట్లకు, బిఎస్ఎఫ్ కు మధ్య సోమవారం ఉదయం సరిహద్దు వెంబడీ భారీ ఎదురు కాల్పులు సంభవించాయి. ఈ ఎదురు కాల్పుల్లో డిఐజి ఓపి తన్వర్ మరణించారు.

పాకిస్తాన్ నుంచి భారత్ లోకి ప్రవేశించడానికి ప్రయత్నిస్తున్న మిలిటెంట్లను అడ్డుకునే క్రమంలో బిఎస్ఎఫ్ జనాన్లకు, మిలిటెంట్లకు మధ్య ఆదివారం రాత్రి ఎదురుకాల్పులు ప్రారంభమయ్యాయి. తన్వర్ సోమవారం ఉదయం 9 గంటల ప్రాంతంలో సంఘటనా స్థలానికి వెళ్లాడు. ఈ సమయంలో మిలిటెంట్లు తాము అదివరకే పాతిపెట్టిన ఐఇడిని పేల్చారు. దీంతో ఆయన మరణించారు.