పులివెందులలో వైయస్ సతీమణి

న్యూఢిల్లీ: కడప జిల్లా పులివెందుల శానససభా నియోజకవర్గం పార్టీ అభ్యర్థిగా దివంగత నేత వైయస్ రాజశేఖర రెడ్డి సతీమణి వైయస్ విజయలక్ష్మి అభ్యర్థిత్వానికి కాంగ్రెసు పార్టీ అధిష్టానం పచ్చజెండా ఊపింది. రాజశేఖర రెడ్డి మృతి వల్ల పులివెందుల సీటు ఖాళీ అయింది. పోటీకి ఇంతకు ముందు విముఖత ప్రదర్శించినట్లు వార్తలు వచ్చాయి. ప్రస్తుతం కూడా ఆమె పోటీకి సిద్ధంగా లేనట్లు తెలుస్తోంది. వైయస్ జగన్ ముఖ్యమంత్రి అయ్యే అవకాశాలు దెబ్బ తింటాయనే ఉద్దేశంతోనే ఆమె వెనక్కి తగ్గుతున్నట్లు చెబుతున్నారు.

ముఖ్యమంత్రిగా వైయస్ జగన్ అవకాశాలు దెబ్బ తింటాయని భావిస్తే ఆమె పోటీకి దిగడానికి విముఖత ప్రదర్శించవచ్చునని తెలుస్తోంది. వైయస్ జగన్ నేడో రేపో అధిష్టానానికి చెందిన నాయకులతో చర్చలు జరిపే అవకాశాలున్నాయి. పులివెందుల నుంచి పోటీ చేసి ముఖ్యమంత్రి కావాలని జగన్ ఆశిస్తున్నారు. అయితే అందుకు అధిష్టానం సిద్ధంగా లేనట్లు తెలుస్తోంది. ఈ స్థితిలో వైయస్ సతీమణికి మాత్రమే అవకాశం కల్పించేందుకు సుముఖంగా ఉన్నట్లు తెలుస్తోంది.