తెలంగాణ: నేటి అర్ధరాత్రి నుంచి ఆటోల సమ్మె

హైదరాబాద్: ప్రత్యేక తెలంగాణ డిమాండ్‌కు మద్దతుగా బుధవారం అర్ధరాత్రి నుంచి నగరంలో ఆటోల సమ్మె చేపట్టనున్నట్టు ఆటో డ్రైవర్స్‌ యూనియన్‌ జా యింట్‌ యాక్షన్‌ కమిటీ కన్వీనర్‌ మహ్మద్‌ అమానుల్లాఖాన్‌, కమిటీ ప్రతినిధి వి.కిరణ్‌ తెలిపారు. మంగళవారం విద్యానగర్‌లోని ఐఎఫ్‌టియు కార్యాలయంలో జరిగిన ఆటో డ్రైవర్స్‌ యూనియన్‌ జాయింట్‌ యాక్షన్‌ కమిటీ ప్రతినిధుల సమావేశంలో ప్రత్యేక తెలంగాణ ఆవశ్యకతపై చర్చించారు.

బుధవారం అర్ధరాత్రి నుంచి ఆటో సమ్మె చేపట్టడంతోపాటు గురువారం తె లంగాణ ఉద్యమానికి మద్దతుగా బాగ్‌ లింగంపల్లి సుందరయ్య విజ్ఞాన కేంద్రం నుంచి చలో అసెంబ్లీ కార్యక్రమం చేపట్టాలని నిర్ణయిం చారు. ఈ సమావేశంలో మహ్మద్‌ అమానుల్లాఖాన్‌, ఎఐటియుసి నా యకుడు బి. వెంకటేశం, బీఎంఎస్‌ నాయకుడు మహ్మద్‌ హబీబ్‌, అన్నా ఆటో యూనియన్‌ అధ్యక్షుడు దాస రి రమేష్‌ పాల్గొన్నారు.