తెలంగాణ సమావేశానికి మధు యాష్కి మొహం చాటు!

హైదరాబాద్‌: మంత్రి కోమటిరెడ్డి వెంకటరెడ్డి నివాసంలో జరగనున్న 'ప్రత్యేక తెలంగాణ' సమావేశంలో నిజామాబాద్‌ ఎంపీ మధుయాష్కీ పాల్గొనడం లేదు. సమావేశ సమయానికి కొద్ది నిమిషాల ముందు కోమటిరెడ్డి వెంకటరెడ్డిని కలుసుకున్న మధుయాష్కీ తెలంగాణ మంత్రులు, ఎంపీలు, ఎమ్మెల్యేల భేటీకి సంఘీభావం తెలిపారు. అత్యవసరంగా ఢిల్లీ వెళ్లాల్సి రావడంతో సమావేశానికి హాజరు కాలేక పోతున్నానని నిజామాబాద్‌ ఎంపీ వివరించారు.

ప్రత్యేక తెలంగాణ కోసం ఇంతకాలం ధైర్యంగా గళం విప్పిన మధు యాష్కి ఇప్పుడు ఆ ప్రత్యేక సమావేశానికి మోహం చాటేయడం చర్చనీయాంశమైంది. ఒక ఎంపీకి అంత అత్యవసరంగా హైకమాండ్ నుంచి కాల్ వచ్చి ఉంటుందా? లేదా ఏదైనా ప్రైవేటు కార్యక్రమానికి అత్యవసరంగా యాష్కి హాజరు కావలసి వచ్చిందా? అన్నది తెలియడం లేదు.