వాహనాలు అడ్డుకుంటాం: ఆంధ్రకు తమిళనాడు హెచ్చరిక

చైన్నై: ఆంధ్రప్రదేశ్‌ సమైక్యవాదం రెండు రాష్ట్రాల మధ్య జల వివాదానికి దారితీసింది. తెలంగాణకు సంబంధించి కేంద్ర హోం మంత్రి చిదంబరం, కార్యదర్శి పిళ్లైల ప్రకటనల వల్ల ఆగ్రహానికి గురైన నెల్లూరు జిల్లా వాసులు చెన్నైకి తాగునీటిని పంపకుండా అడ్డుకున్న విషయం తెలిసిందే. కండలేరు హెడ్‌రెగ్యులేటర్‌పై అలపక్ష నేతలు దాడి చేసి గేట్లను విరగొట్టి అద్దాలు పగులగొట్టారు.

ఈ విషయం తెలిసిన తమిళనాడు వారు కూడా ఆగ్రహం వ్యక్తం చేస్తున్నారు. కండలేరు నుంచి చైన్నైకి వచ్చే నీటిని అడ్డుకుంటే ఆంధ్ర వాహనాలను తమిళనాడులోకి రాకుండా అడ్డుకుంటామని హెచ్చరించారు. ఈ జల వివాదం ఏ పరిస్థితికి దారితీస్తుందోనని పలువురు ఆందోళన వ్యక్తం చేస్తున్నారు.