సమైక్యంధ్రకు తిరుపతి చేరిన చిరంజీవి

తిరుపతి: ప్రజారాజ్యం పార్టీ అధ్యక్షుడు చిరంజీవి శుక్రవారం ఉదయం తిరుపతి చేరుకున్నారు. ఇక్కడికి చేరుకోగానే ఆయన తిరుమల శ్రీవారిని దర్శించుకున్నారు. శ్రీ వెంకటేశ్వర స్వామి మీది భక్తితో ఆయన తన సమైక్యాంధ్ర ఉద్యమానికి తిరుపతి నుంచి శ్రీకారం చుడుతున్నారు. ఆయన తన ప్రజారాజ్యం పార్టీని కూడా తిరుపతిలో ప్రకటించారు.

ప్రజాభీష్టం మేరకే సమైక్యాంధ్రకు తలొగ్గినట్లు చిరంజీవి శుక్రవారం ఉదయం మీడియా ప్రతినిదులతో చెప్పారు. ఇప్పటి వరకు తెలంగాణకు నాయకులు చేసిందేమీ లేదని ఆయన అన్నారు. తెలంగాణ కూడా అబివృద్ధిలో వెనకబడిందని ఆయన అన్నారు. సమైక్యాంధ్రకు అనుకూలంగా చిరంజీవి నిర్ణయం తీసుకుని తన శాసనసభ సభ్యత్వానికి రాజీనామా చేసిన విషయం తెలిసిందే.